قبائل خمير : قصة عروش سكان جبال خمير

قصة من قصص #تعريب بعض عروش سكان جبال خمير ...

قبائل خمير اختلف الكثير من المورخين عن أصل قبائلها ، و برشا يقول انهم عرب بسبب وجود او تواجد بعض القبائل العربية فيها ، كيما بنو هلال و بنو مازن وبنو عرفة ..... لكن في بحثي مثلا عن أصل عرشنا #الخناتشية وهوما آخر نقطة في الجمهورية التونسية 😅 بالرسمي نحكي بعدنا ثما ربي والشمس ...لقيت أنو جدي بو بابا الي هو مولود عام 1914 ومات في السبعينات ،كيف مات لقبو #خنتوشي نسبة الي #خنتوش وهو جدنا الرابع إذا نرجعو بالحساب تقريبا يكون ولد وعاش بين 1790 و 1850 ....السيد هذا خنتوش يذكرو بالخير 😂 حسب الذاكرة الشعبية في المنطقة ، جاء من دزاير وحط على الحد بالظبط و عمل عرش وحدو في اعالي جبال خمير و كان #مستوحش 😂 و الأغلب يهودي ، وعمتي الله يرحمها تڨلى كانو #جهال أي غير مؤمنين ( هو الحق متاع ربي حتى لتو 😂)، وكانو عمالقة ( على غير العرب ) يعني طولهم اكثر من زوز ميترو بنساهم برجالهم والحق راهو في نسلنا عنا الفورما خارجة شويا على النطاق، عمتى مثلا طولها أكثر من 1.90م و تلبس 45 في ساقيها 😅 وعنا شويا آثار بحذا دوارنا كيما #بير_خناتشية أقسم بالله ظاهرلي بنوه الفراعنة 🤣🤣 ، الحجر مستحيل يكون صقلو و هزو انسان عندو ببنية جسدية عادية و عمتى في روايتها قتلي الحجر هذا جابوه على روسهم من الجبل .....الحاصل البحث وقف بيا في #خنتوش ...والإسم الي يعني #حلوف والفرضية يا إما على خاترو مستوحش و مايكلم حد وخاطر ممكن فعلا يهودي الناس سموه هكا وبقا أسم العرش كامل على اسموو أو هو إسمو بالحق الي جاء بيه من درا وين 😅 و لقبنا تبدل بعد ما مات جدي على خنتوشي وأصبح مشرڨي 😂 لا ندرو شندرنالو بورڨيبة باش يسمينا مشرڨي و خلطنا مع قبيلة بنو مازن ولينا عرب كيفهم 😂😂